Politika e Privatësisë

Neni 1 – Qëllimi

Kjo Politikë e Privatësisë përcakton mënyrën e mbledhjes, përdorimit, ruajtjes dhe mbrojtjes së të dhënave personale nga Patundshmeria Juaj, në kuadër të ofrimit të shërbimeve të ndërmjetësimit në patundshmëri dhe funksionimit të webfaqes zyrtare.

Neni 2 – Fusha e zbatimit

Kjo politikë zbatohet për çdo person fizik ose juridik që viziton webfaqen, kontakton me Patundshmeria Juaj ose kërkon shërbime përmes telefonit, emailit, formularit të kontaktit ose rrjeteve sociale.

Neni 3 – Të dhënat që mblidhen

Patundshmeria Juaj mund të mbledhë këto kategori të dhënash:

• emrin dhe mbiemrin;
• numrin e telefonit;
• adresën elektronike (email);
• përmbajtjen e mesazheve ose kërkesave të dërguara;
• të dhënat lidhur me pronën që synohet të shitet, blihet ose jepet me qira;
• të dhëna teknike bazë të përdorimit të webfaqes, përfshirë adresën IP dhe të dhëna statistikore të navigimit.

Neni 4 – Qëllimi i përpunimit

Të dhënat personale përpunohen vetëm për këto qëllime:

• komunikim me klientët dhe personat e interesuar;
• ofrim i shërbimeve të ndërmjetësimit në patundshmëri;
• organizim i takimeve, vizitave dhe prezantimeve të pronave;
• përgatitje ofertash dhe përgjigje ndaj kërkesave;
• përmirësim i funksionimit të webfaqes dhe cilësisë së shërbimeve.

Neni 5 – Baza e përpunimit

Përpunimi i të dhënave bëhet mbi bazën e:

• pëlqimit të personit që i jep të dhënat;
• nevojës për ofrimin e shërbimit të kërkuar;
• detyrimeve ligjore të zbatueshme.

Neni 6 – Ruajtja dhe siguria e të dhënave

Patundshmeria Juaj ndërmerr masa të arsyeshme teknike dhe organizative për mbrojtjen e të dhënave personale nga qasja e paautorizuar, humbja, ndryshimi, zbulimi ose përdorimi i paautorizuar.

Të dhënat ruhen vetëm për aq kohë sa është e nevojshme për realizimin e qëllimeve për të cilat janë mbledhur ose sipas afateve të parashikuara me ligj.

Neni 7 – Ndarja e të dhënave

Të dhënat personale nuk shiten dhe nuk u jepen palëve të treta, përveç rasteve kur:

• kjo është e domosdoshme për realizimin e shërbimit të kërkuar;
• kërkohet nga organet kompetente sipas ligjit;
• personi i interesuar ka dhënë pëlqimin e tij.

Neni 8 – Hartat dhe shërbimet e palëve të treta

Në faqet ku shfaqet një hartë (lista e pronave, faqja e një prone dhe formulari i publikimit), pamja e hartës nuk ruhet në serverët tanë: shfletuesi i përdoruesit i shkarkon pjesët e hartës drejtpërdrejt nga CARTO (CartoDB Inc., Nju Jork, SHBA), të ndërtuara mbi të dhënat e OpenStreetMap. Kur zgjidhet pamja satelitore, të njëjtat kërkesa shkojnë te Esri.

Për këtë arsye, në momentin kur hapet një hartë, këto shërbime marrin adresën IP të përdoruesit, faqen nga e cila vjen kërkesa, llojin e shfletuesit dhe kohën e kërkesës. Nuk u dërgojmë asnjë të dhënë tjetër: as emrin, as email-in, as kërkimet e kryera në faqe. Hartat ngarkohen vetëm kur përdoruesi hap një faqe ose një seksion që i përmban.

Sipas kushteve të CARTO, këto të dhëna përpunohen nga ajo në emrin tonë: adresa IP shkurtohet në momentin e regjistrimit, regjistrat ruhen për 30 ditë dhe qëndrojnë në Shtetet e Bashkuara, me transferim të mbuluar nga Klauzolat Standarde Kontraktuale dhe nga EU–U.S. Data Privacy Framework. Baza ligjore është interesi ynë legjitim për të treguar vendndodhjen e pronave, pjesë thelbësore e shërbimit.

Informacionet e këtyre palëve gjenden te carto.com/privacy dhe esri.com/privacy.

Neni 9 – Cookies dhe ruajtja në shfletues

Nuk përdorim cookies reklamimi dhe nuk ndajmë të dhëna me rrjete reklamash apo me shërbime profilizimi të palëve të treta.

Për të funksionuar, faqja ruan disa të dhëna në vetë shfletuesin e përdoruesit dhe jo në serverët tanë: pronat e shënuara si të preferuara, gjuhën e zgjedhur, bocetin e një shpalljeje në punë e sipër dhe, pas hyrjes, tokenin e sesionit.

Matja e vizitave. Për të ditur sa herë hapet një shpallje dhe nga sa vizitorë të ndryshëm, shfletuesi ruan një identifikues të rastësishëm, të krijuar në vizitën e parë. Ky identifikues:

• nuk përmban emrin, email-in apo ndonjë të dhënë tjetër personale — është thjesht një numër i rastësishëm;
• nuk del kurrë nga domeni ynë dhe nuk i dërgohet asnjë shërbimi të jashtëm;
• nuk të ndjek në faqe të tjera interneti;
• identifikon një shfletues, jo një person: dy persona në të njëjtin kompjuter numërohen si një, ndërsa i njëjti person nga telefoni dhe nga kompjuteri numërohet dy herë.

Regjistrat e vizitave ruhen për 12 muaj dhe më pas fshihen automatikisht. I përdor vetëm ekipi ynë, në formë të përmbledhur, për të kuptuar cilat shpallje tërheqin interes. Baza ligjore është interesi ynë legjitim për të matur audiencën e faqes.

Përdoruesi mund ta fshijë këtë identifikues në çdo moment duke pastruar të dhënat e faqes nga cilësimet e shfletuesit: në vizitën pasuese krijohet një i ri, pa asnjë lidhje me të mëparshmin. Po ashtu mund të kufizojë ose të çaktivizojë cookies dhe ruajtjen lokale nga i njëjti vend — në atë rast disa funksione, si të preferuarat, nuk do të punojnë më.

Neni 10 – Të drejtat e subjektit të të dhënave

Çdo person, të dhënat e të cilit përpunohen, ka të drejtë të kërkojë:

• qasje në të dhënat personale;
• korrigjimin e të dhënave të pasakta;
• fshirjen e të dhënave, kur kjo lejohet nga legjislacioni në fuqi.

Neni 11 – Kontakti

Për çdo pyetje ose kërkesë lidhur me përpunimin e të dhënave personale, palët mund të kontaktojnë: